Të përkushtuar t’ju mbështesim në çdo hap të karrierës suaj.
Dr. Marina Pagano, e diplomuar në mjekësi, aktualisht mban disa nga rolet kryesore në fushën e mjekësisë estetike dhe më gjerë. Ajo është specializuar në mjekësi estetike, mjekësi termale, kozmetologji, trikologji, nutricion, osteopati, si dhe në mjekësi alternative, fitoterapi, mjekësi kineze dhe ayurvedike. Me një formim multidisiplinar dhe përvojë të gjerë profesionale, ajo i ka kushtuar karrierën integrimit të mjekësisë estetike tradicionale me një qasje holistike dhe inovative.
Dr. Brikena Kaja është mjeke e diplomuar në Universitetin e Mjekësisë, Tiranë (2016), me temë diplome mbi epidemiologjinë dhe trajtimin e leishmaniozës në Shqipëri. Nga viti 2017 deri në 2020 ka punuar si mjeke në Klinikën KEIT, ku ka mbështetur pacientët në periudhën para dhe pas operacionit, si dhe ka asistuar në ndërhyrje kirurgjikale. Është trajnuar në akademi prestigjioze evropiane, me formim të avancuar në teknologjitë lazerike dhe procedurat estetike minimalisht invazive. Gjithashtu, ka marrë pjesë në cadaver lab ndërkombëtare, duke thelluar njohuritë anatomike dhe saktësinë klinike në teknikat injektive.
Dr. Elda Xhafa është mjeke me mbi 12 vite përvojë në mjekësi dhe mbi 4 vite në mjekësi estetike. Ajo është e specializuar në procedura estetike të avancuara, trajtime me lazer dhe injeksione rigjeneruese, duke vendosur gjithmonë në qendër sigurinë, shëndetin dhe mirëqenien e pacientit. Është trajnuar në akademi prestigjioze evropiane si AGORA (Milano), DEKA Academy (Firence), Croma Academy (Vjenë) dhe Sinclair College (Barcelona).
Dr. Dario Dorato është diplomuar në Mjekësi dhe Kirurgji në Università degli Studi di Napoli Federico II dhe është specializuar në Mjekësi të Përgjithshme në Rajonin e Campanias. Ai ka një karrierë të gjatë në sistemin shëndetësor publik italian, si mjek i kujdesit parësor pranë ASL Napoli 2 Nord në Pozzuoli dhe si mjek fiduciar pranë Ministrisë së Shëndetësisë (SASN) në Romë. Është i specializuar në Mjekësi Estetike, me diplomë nga Scuola Internazionale di Medicina Estetica FIF dhe nga Università degli Studi di Pavia. Gjithashtu, ka përfunduar doktoraturën në Imazheri Diagnostike, me fokus në patologjitë vaskulare periferike.
